Image Source: Graduate Theological Union Image Source: Graduate Theological Union

KALIBRE SINGKWENTA

KALIBRE SINGKWENTA

Giingon’g sa pagpabuto,
Masinati ang kakusog sa nagpabuto,

Mga dunggan, motingkag,
Sa kalibre, masukod kon may magkatibulaag,

Kon may kalibre kuwarenta y singko,
Adunay kalibre singkwenta usab amiga ug amigo,

Sa tam-is nga pahiyom, ikaw lamaton,
Maampingong lihok ug kunoton’g agtang ikaw lingawon,

Kalibre singkwenta, pangedaron kining
Nakaabot na’g katunga sa siglo nga makapatakingking,

Tiaw mo bay, may hinayon na’g lutahan,
May bungolon, ug hanaphanap na’g tinan-awan,

May makaingon, kalibre singkwenta kuno guwangon,
Apan tutuki, suwayi, ug panid-i dili kaba makauyon,

Sa taas nga lanat sa panahon, sa kataas sa katuigan,
Kalibre singkwenta kahigalaan, edad kini nga bulawan..

Blogsite