Image Source: Wanderlust Worker Image Source: Wanderlust Worker

Bisyo

Bisyo

buhat nga gipanghimaraut,
giyam-iran sa pagkadunot,

talan-awon kining namugna,
sa kahuyang ug binuhatang haguka,

alak, drugas, sugal hasta sigarilyo,
pipila lamang kini’s mga bisyo,

kon malikayan mohatod sa kabag-o,
katarong ug dili ka pa makaperhisyo,

panigbas, pangluthang ug pagpangtumba,
hinungaw kini’s bisyong daw way giila,

bisan kinsa, mahimong matakbuyan,
bisyo kini sa kamaibogong dili kapugngan,

panghuong kini sa tinambalan sa uban,
bisyo sa kaigmat mangilog ug bingkang tinan-ogan,

tagamtam, tilaw, kitkit sa lami nga gidili,
magikan kini’s panggimok sa kabuhi nga midahili…

Blogsite