PAGASA: Kainit sa El Niño Masinati sa Setyembre

Gipahimangnoan na usab sa Philippine Atmospheric, Geophysical and Astronomical Services Administration (PAGASA) Visayas ang publiko kalabot sa epekto sa El Niño Phenomenon sa bulan sa Setyembre.

Matud pa sa hepe sa PAGASA Central Visayas nga si Oscar Tabada nga ang nasitani nga pag-ulan-ulan karon, gibanabanang molanat lamang niining bulan sa Agosto.

Kini tungod kay ang subrang kainit sa El Niño matagamtaman man unya sugod sa katapusang semana niining buwan sa Agusto o kaha sa unang semana sa Setyembre ning tuiga.

Gipasabot ni Tabada nga kaniadto pang miaging Hulyo nagsugod ang epekto sa El Niño apan ang grabing kainiton niini unya pa sa Setyembre hingpit nga masinatian sa tanan.

Tungod niini, nabalaka si Tabada nga mahitabo na usab unya ang pagnihit sa tubig nga mainom, ug ingon man ang pag-uga ug pagpangliki sa yuta sa kaumahan. Busa giaghat sa hepe sa PAGASA nga angay magdaginot sa paggamit sa tubig ang tanan.

Bisan ang mga mag-uuma nga may mga gibuhing hayop angay usab mangandam sa taliabot nga hilabihang kainit bunga sa El Niño phenomena, sumala ni Tabada.